ടിപ്പു സുല്‍ത്താന്‍

കേരളത്തില്‍ ഒരു സാമൂഹ്യമാറ്റം തന്നെ കൊണ്ട് വരാന്‍ ശ്രമിച്ച ടിപ്പുസുല്‍ത്താനെ വര്‍ഗീയതയുടെ ഇല്ലാകഥകള്‍ കൊണ്ട് വികലമായി ചിത്രീകരിക്കുകയായിരുന്നു പാശ്ചാത ചരിത്രകാരന്മാര്‍ എന്നറിയപ്പെടുന്ന പല കൂലിയെഴുത്തുകാരും ചെയ്തത്....  

അദ്ദേഹം കൊണ്ട് വന്ന ഭരണ പരിഷ്കാരണങ്ങള്‍ സാധാരണക്കാര്‍ക്കും കൃഷിക്കാര്‍ക്കും ഏറെ ആശ്വാസം നല്‍കുന്നതായിരുന്നു... ജന്മിമാരുടെയും ബ്രാഹ്മന്യതയുടെയും  ചൂഷണത്തില്‍ നിന്നും അവരെ രക്ഷിച്ചു നിര്‍ത്തി അവകാശബോധം നല്‍കിയതു അദ്ദേഹം നടപ്പിലാക്കിയ ഭരണ പരിഷ്കാരങ്ങള്‍ ആയിരുന്നു.......

ടിപ്പു സുല്‍ത്താന്‍ യദാര്‍ത്ഥത്തില്‍  എന്തായിരുന്നുവേന്നത് ചരിത്രകാരന്‍ മാരുടെ വിവരണങ്ങളിലൂടെ.... 

-----------------------------------------------------------------------------------------------------------------------------------------
"വിശ്വാസവും മതസൌഹാര്‍ദ്ദവും"

ടിപ്പുവിന്റെ പ്രഖ്യാപനം 1787  ( B.S. Gidwani - The sord of Tippu Sultan . p-229)

"മതസൌഹാര്‍ദ്ദം ഇസ്ലാമില്‍ പ്രധാനമാണ്. മതത്തില്‍ ചേരാന്‍ നിര്‍ബന്ധമരുതെന്നു ഖുര്‍ആന്‍ നിഷ്കര്‍ഷിക്കുന്നു. സത്കര്‍മ്മങ്ങള്‍ ചെയ്യുന്നതില്‍ വ്യക്തികള്‍ തമ്മില്‍ മത്സരിക്കാന്‍ ഇസ്ലാം പ്രേരിപ്പിക്കുന്നു. ദൈവം നിര്‍ദേശിച്ചിട്ടുള്ള ഈ നിയമം എന്റെ ഹൃദയത്തിന് തുല്യം കരുതുന്നു. അത് വിവേകത്തിലും വിവേചനത്തിലും അധിഷ്ടിതവും മനുഷ്യന്റെ അഭിമാനം കാത്തുസൂക്ഷിക്കുന്നതുമാണ്. ബഹുമാനത്തോടെ ഹിന്ദുക്കളുടെ വേദങ്ങളും നാം പഠിച്ചിട്ടുണ്ട്.... മതത്തിന്റെ പേരില്‍ ചിലര്‍ നമ്മുടെ നാട്ടില്‍ കടന്നു തെറ്റായ മാര്‍ഗനങ്ങളും വിവിധ മതങ്ങള്ക്കിടയില്‍ തെറ്റിദ്ധാരണകളും പ്രചരിപ്പിക്കുന്നത് എന്നെ ആധിയായി ദുഖിപ്പിക്കുന്നു. മൈസൂര്‍ രാജ്യത്ത് താമസിക്കുന്ന മൈസൂര്‍കാരും വെളിയില്‍ താമസിക്കുന്ന മൈസൂന്കാരും ഇന്ന് മുതല്‍ മതത്തിന്റെയോ ജാതിയുടെയോ പേരില്‍ എന്തെങ്കിലും വിവേചനം കാണിച്ചാല്‍ അത് കുറ്റകരമാണെന്ന് പ്രഖ്യാപിക്കുന്നു" 
Bombay Presidency Papers, Vol. III,  p.129

"ആരാണ് എന്‍റെ ജനങ്ങള്‍" എന്ന് സ്വയം ചോദിച്ചിട്ട് ടിപ്പു തന്നെ മറുപടി പറഞ്ഞു: 'ക്ഷേത്രങ്ങളില്‍ മണിയടിക്കുന്നവരും പള്ളികളില്‍ നമസ്കരിക്കുന്നവരും എന്‍റെ ജനങ്ങളാണ്. ഈ രാജ്യം എന്റെതും അവരുടെതുമാണ് 
----------------------------------------------------------------------------------------------------------
മെക്കന്സിയുടെ അഭിപ്രായത്തില്‍ "നല്ല ഭരണരീതികൊണ്ട് ഗവന്മെന്ടു സുശക്തമാകുകയും, വിഭവങ്ങള്‍ ദുര്‍വ്യയയം കൂടാതെ ഉപയോഗിക്കുകയും ചെയ്ത ടിപ്പുവിനോട് അയല്‍ ശക്തികളെ ഒരു വിധത്തിലും താരതമ്യപ്പെടുത്താനാവില്ല..... ഇടത്തട്ടുകാരുടെ ചൂഷണം അദ്ദേഹം ശക്തമായി തടയുകയും കുറ്റക്കാരെ മാതൃകാപരമായി ശിക്ഷിക്കുകയും ചെയ്തു. കര്‍ഷകരെ അധികനികുതി പിരിക്കുന്ന ഉദ്യോഗസ്ഥരില്‍ നിന്നും സംരക്ഷിച്ചു. അവരില്‍ അധികവും ഹിന്ദുക്കളായിരുന്നു" ( Machenzie MAnusripts, Vol. II, p. 72.73)


1773 ഡിസംബറില്‍ ഹൈദര്‍അലി അയച്ച സേനയുടെ നായകന്‍  "ശ്രീനിവാസറാവു" ആയിരുന്നു.... മലബാറില്‍ ഹൈദര്‍ അലി നേരിട്ടുല്ല ഭരണം സ്ഥാപിച്ചപ്പോള്‍ ശ്രീനിവാസ റാവു ആയിരുന്നു ഗവര്ണരായി നിയമിതനായത്... 9 വര്ഷം ഇങ്ങനെ തുടര്‍ന്നു.... അതിനു ശേഷം ടിപ്പുവിന്റെ ഭരണത്തില്‍  ഗവര്ന്നരായി വന്നത് "മാടണണ (MADANNA)" ആയിരുന്നു..... അദ്ദേഹമാണ് മൈസൂരില്‍ നടപ്പിലാക്കിയ പോലുള്ള ഭൂനികുതി കൊണ്ട് വന്നത്...  

 ------------------------------------------------------------------------------------------------------

"എല്ലാവരുടെയും യജമാനനായ ദൈവം വിശ്വസിപ്പിചേല്പിച്ച സമൂഹമാണ് പ്രജകലെന്നും കൃഷി രാജ്യാത്തിന്റെ ജീവരക്തമാണെന്നും  ടിപ്പു സുല്‍ത്താന്‍ വിശ്വസിച്ചു" (Tippu to Nizam - National Archives original records - 16 ) പുതുതായി കൃഷി ചെയ്ത സ്ഥലങ്ങള്‍ കര്‍ഷകന്റെയും പിന്‍ഗാമികളുടെയും സ്വത്തായിരിക്കുമെന്നും, നികുതി കൊടുക്കുന്നിടത്തോളം സ്ഥലം അവരില്‍ നിന്നു പിടിച്ചെടുക്കാന്‍ ആര്‍ക്കും അവകാശമില്ലെന്നും അദ്ദേഹം വിളംബരം ചെയ്തു (BS Gidwani - The Sword of Tipu Sultan) ബ്രാഹ്മണര്‍ പകുതി നികുതി കൊടുത്താല്‍ മതി. അവരുടെ സ്ത്രീകള്‍ പാടത്ത് പണിയെടുക്കാത്കൊണ്ടാണ് അങ്ങനെ ഒരു നിയമം കൊണ്ട് വന്നത് ... വ്യവസായവും കച്ചവടവും വളര്ന്നെന്കിലെ രാജ്യത്തിനു ശക്തിയും മേന്മയും ഉണ്ടാവൂ എന്ന് അദ്ദേഹം മനസ്സിലാക്കി. വ്യഭിചാരം നിരുത്തലക്കാനും, ഒന്നിലധികം ഭര്ത്താക്കന്മാരെ സ്വീകരിക്കുന്ന മലബാറിലെയും കുര്‍ഗിലെയും സമ്പ്രദായം തടയാനും, മൈസൂര്‍ പട്ടണത്തിനടുത്ത് കാളീക്ഷേത്രത്ത്തില്‍ നടന്നിരുന്ന മനുഷ്യക്കുരുതി നിറുത്താനും അദ്ദേഹം ശ്രമിച്ചു ( Mohibul Hasan - History of Tipu Sultan, p. 331-344)

( കേരളമുസ്ലിമ്കള്‍ . പോരാട്ടത്തിന്റെ ചരിത്രം - പ്രൊഫസര്‍ ഡോ.കെ.എം. ബഹാവുദ്ദീന്‍))